Ҳарри Кейн «Тоттенҳэм»ни тарк этганига қарамай, жамоанинг чемпионлигидан мамнун бўлади.

Ушбу ёзда «Бавария» билан шартнома имзолаган ҳужумчи «Агар «шпорлар» Премьер-лигада ғолиб бўлса, афсусланасизми?» деган саволга жавоб берди.

«Фаолиятим давомида «Тоттенҳэм» мухлиси бўлганман, жамоанинг яхши ўйнашини кўришни истаганман. Премьер-лигада мен чемпионлик тилайдиган «Тоттенҳэм»дан бошқа клуб йўқ. 

Агар 40 ёшимда фаолиятимни якунлаб, ортга қарасам ва ҳеч қачон АПЛдан бошқа лигада ўйнамаганимни тушунсам, ҳайрон бўлардим.

Ҳозир «Бавария»даман, ҳаяжондаман. Ва бу қароримдан ҳеч қачон афсусланмайман», — дейди фаолияти давомида бирорта ҳам соврин ютмаган инглиз.