Рене Меленстен «Манчестер Юнайтед» ҳақида танқидий фикр билдирди.

«Рафаэль Варан юқори темпни ушлаб тура олмайди. Яримҳимояда эса шунчаки куч йўқ, шунинг учун ҳимояда муаммолар бор.

Эрик тен Ҳаг юқори прессингда, интенсивликда ўйнашни хоҳлайди. Худди «Аякс»даги каби. Лекин унда бунинг учун керакли футболчилар йўқ.

«МЮ» футболчиларида доимий босим ўтказиш менталитети йўқ. Масалан, Каземиро бунга умуман дош беролмайди.

Тен Ҳаг ўйнамоқчи бўлган футболи ҳақида маълум фикрларга эга, аммо у ғоясини амалга ошириш йўлларини топиши керак», — деди манкунианликларнинг собиқ мураббийи ESPN'га берган интервьюсида.