Суперлига 21-тури доирасида бугун Тошкентда битта ўйин бўлиб ўтди.

«Бунёдкор» ўз майдонида «Қизилқум»ни қабул қилиб, дуранг қайд этди – 2:2. Навоийликлар икки марта ҳам ҳисобда олдинга чиқиб олган бўлса, пойтахтликлар икки марта ҳам жавоб голини киритишди.

Шу тариқа, «Қизилқум» кетма-кет 3-ўйинида очко ишлаб, 18 очко билан 12-ўринда бормоқда. «Бунёдкор» эса ўз майдонидаги сўнгги 3 ўйинда очко йўқотиб, 27 очко билан 8-поғонадан жой олган.

Суперлига. 21-тур

«Бунёдкор» – «Қизилқум» 2:2

Ҳакам: Фаррух Янсупов

Голлар: Авазбек Ўлмасалиев 57, Умидбек Султонов 82 – Ислом Кенжабоев 50, Муҳаммадали Ғиёсов 75.

«Бунёдкор»: 71.Сарвар Каримов, 2.Алексей Носко, 6.Авазбек Ўлмасалиев, 8.Шоҳрухбек Абдураҳмонов, 9.Фаррух Икромов, 10.Расул Йўлдошев  46.Азизбек Тўлқинбеков, 60), 11.Игор Иванович, 19.Билол Туплиев, 30.Велингтон Таира, 34.Суҳроб Иззатов, 45.Фарҳод Ўткиров (99.Умидбек Султонов, 60).

«Қизилқум»: 35.Жавоҳир Илёсов, 6.Муродбек Раҳматов, 10.Ислом Кенжабоев, 11.Акаки Шулая, 13.Николай Тарасов, 17.Муҳаммадали Ғиёсов, 23.Шерали Жўраев, 24.Ифеани Ифеани, 25.Азизбек Усмонов, 44.Жўрабек Маннонов, 87.Алишер Саноев (77.Гиорги Кухианидзе, 70).