Бокс бўйича Ўзбекистон эркаклар жамоаси аъзоси Абдумалик Халоков яримфинал йўлланмасини қўлга киритди. 

-57 кг вазн тоифасида иштирок этаётган ҳамюртимиз чоракфиналда Токио-2020 Олимпиадаси финалчиси филиппинлик Карло Паламни мусобақадан чиқариб юборди ва ўзи учун шоҳсупадан жой нақд қилди. У рақибини 5:0 ҳисобида мағлубиятга учратди.

Абдумалик яримфинал баҳсини эртага, 4 октябр куни ўтказади.  

Эслатиб ўтамиз, бунгача Ҳасанбой Дўсматов ва Баҳодир Жалолов ҳам яримфинал йўлланмасига эга чиққан эди.