Футзал бўйича Ўзбекистон миллий жамоаси Кувайтга қарши иккинчи ўртоқлик ўйинида ҳам ғалабага эришди.

Ҳозирча Баҳодир Аҳмедов қўл остида паркетга тушаётган вакилларимиз Кувайт билан ўйинда қийин ғалабага эришди. Меҳмонлар 38-дақиқага қадар 4:2 ҳисобида ғалаба қозонаётган эди. Сўнгги уч дақиқада эса вакилларимиз учта гол киритиб, камбэк қайд этишди – 5:4.

Эслатиб ўтамиз, икки кун аввалги ўйинда ҳам Кувайт 0:3 ҳисобида мағлуб этилганди.

Ўртоқлик ўйини. 25 сентябрь

Ўзбекистон – Кувайт – 5:4

Голлар: Ҳусниддин Нишонов 3ʼ, 38ʼ, Элбек Тўлқинов 33ʼ, 39ʼ, Ихтиёр Ропиев 39ʼ – Абдулатиф Ал-Аббоси 15ʼ, Муҳаммад Ал-Ажми 24ʼ, Солиҳ Ал-Фатҳи 31ʼ, Муҳаммад Ал-Хазим 34ʼ.