Осиё Ўйинларида иштирок этаётган спортчиларимиз Ўзбекистон делегациясига яна битта Олимпиада йўлланмасини қўшиб қўйишди.

Замонавий бешкураш бўйича аёллар ўртасидаги яккалик баҳслари якунланди. Унда иштирок этган Токио-2020 Олимпиадаси қатнашчиси Алисе Фахрутдинова мусобақани 1327 очко билан 7-ўринда тугатди. Қувонарлиси, ушбу натижа Фахрутдиновага Париж-2024 Олимпиадаси йўлланмасини тақдим қилди.

Маълумот учун, ушбу спорт тури бўйича баҳслар Осиё Ўйинлари рўйхатига илк марта қўшилди. 

Эслатиб ўтамиз, бунгача гимнастикачи Тахмина Икромова ҳамда эркин курашчи Жаброил Шапиев, юнон-рум курашчиси Арам Варданян, Исломжон Баҳромов Париж-2024 Олимпиадасига йўлланмани нақд қилганди.