Осиё ўйинларида ўзбекистонлик академик эшкак эшиш вакиллари яна бир медални делегация ҳисобига ёздириб қўйишди. 

М2х дастурида иштирок этган Шаҳбоз Холмирзаев ва Меҳрож Маматқулов жуфтлиги маррага иккинчи бўлиб етиб келишди. Олтин медаль Хитойга, бронза Индонезияга насиб этди. 

Эслатиб ўтамиз, бунгача жуфтлик баҳсларида Луиза Шаҳзод Исломова ва Малика Тагматова ҳам кумуш, Нурматов ва Собиржон Сафаралиев бронза медалга сазовор бўлишганди.