Эрик Тен Ҳаг бошчилигидаги «Манчестер Юнайтед» 20 сентябр оқшомида ЕЧЛ 1- тур доирасида «Бавария»га (3:4) қарши баҳсдан сўнг 44 йил ичида биринчи маротаба кетма-кет 3 ўйинда 3+ гол ўтказиб юборди. 

Манкуниаликлар бундан аввал «Брайтон» (1:3) ва «Арсенал» (1:3) билан ўтган учрашувларда ўз дарвозасидан учтадан гол олиб чиқганди. 

1978 йилнинг декабр ойида ҳам «МЮ» шундай нохуш серияга дуч келганди. Ўшанда «Болтон» (0:3) «Ливерпуль» (0:3) ва «Вест Бромвич» (3:5) жамоаларидан аламли мағлубият қабул қилиб олинган. 

Маълумот учун, «МЮ» навбатда АПЛ 6- турида «Бёрнли» меҳмони бўлади.