Юрген Клопп «Ливерпул»нинг Европа лигаси 1-тури доирасидаги ЛАСК жамоасига қарши ўйини олдидан фикрлари билан ўртоқлашди.

«Биз бу турнирда ҳам кучли рақобат бўлишини биламиз. «Ливерпул»даги биринчи мавсумимда бу турнирда иштирок этиб, финалга чиқиш менга қийин масаладек кўринган, аммо финалгача етиб бора олгандик. 

Ўшанда бу турнир қанчалик қийинлигини билганмиз. Ўйин учун Россияга бориш, Сьондаги музлаган майдонда тўп суриш қандай эканлигини бошдан кечирганмиз. Очиғи, ўшанда биз бундай сюрпризларга тайёр бўлмаганмиз. Ҳозирга келиб жамоа таркиби ўзгариб кетди, шунга қарамай бу турнирда нималарни кутиш мумкинлигини биламиз ва жамоам ўтган сафаргидан кўра яхшироқ тайёр. 

Европа лигасида ўйнаётганимиздан хурсандмиз, мотивация топилади. ЕЧЛ? Йўқ, кечаги ўйинларни кўрганим йўқ, турнир мадҳиясини ҳам қўмсаётганим йўқ», - дейди Клопп. 

Маълумот учун, Клопп қўл остидаги мерсисайдликлар 2015/16 йилги мавсумда финалга қадар етиб бориб, «Севилья»га мағлубиятга учраганди.