Эрик тен Ҳаг «Манчестер Юнайтед» футболчиларининг доимий жароҳатларидан шикоят қилди.

«Бир нарса аниқ: ўтган мавсум бошидан бери мен ҳеч қачон энг яхши деб билган асосий таркибни майдонга туширмаганман. Доим кимдир жароҳат олади. Лекин ҳозирги даврни ҳисобга олмаганда ҳамиша керакли натижаларга эришдик. Мен бу билан олдин шуғулланганман ва муаммоларни енгиб ўтганман. Менга бундай вазиятлар ёқади, чунки муаммоларни қандайдир тарзда енгиш, нима қилиш кераклигини билиш, диққатни жараёнга қаратиш керак.

Бизга янгиланиш керак деб ўйламайман, мутлақо. Биз жараёндамиз ва баҳсларнинг айрим қисмларида жуда яхши ўйнаётганимиз аниқ.

Ўзимиздан изчилликни талаб қилишимиз, баҳс давомида маълум жабҳаларда яхшироқ ўйин кўрсатишимиз керак», — деди манкунианликлар бош мураббийи.

Маълумот учун, «МЮ» АПЛ стартидаги 5 ўйиндан 3тасида мағлуб бўлди. Бугун, 20 сентябр куни жамоа Чемпионлар лигасида «Бавария»га қарши баҳс олиб боради.