«Ал Ҳилол» бош мураббийи Жорже Жезуш ОЧЛ 1-туридан ўрин олган «Навбаҳор» (1:1) билан ўйиндан сўнг ўз фикрларини билдирди.

«35 йилдан бери мураббийман. Ҳеч қачон «Навбаҳор»дек кўп вақт чўзадиган жамоани кўрмаганман. Ўйинни тўхтатиш учун бир вақтнинг ўзида майдонга 2-3 футболчи йиқилиб тушди. Ҳар 5 дақиқада шундай бўлди. Натижадан ташвишланмаяпман, чунки майдонда футбол йўқ эди. 

Футболни хоҳламаган жамоага қарши ўйнадик. Ҳакам ҳам бу борада уларга ёрдам берди. Мен учун ҳакам рақибимиз билан бир хил даражада», — дея португалиялик мутахассиснинг сўзларини келтиради O'Jogo.

Маълумот ўрнида, таркиби 260 млн евро бўлган Саудия клуби футболчилари 10 млн еврога баҳоланган «Навбаҳор»ни мағлуб этолмагач, жамоа мухлислари Жезушнинг истеъфосини талаб қилишмоқда.