Жоан Лапорта Хавининг ишига юқори баҳо берди.

«Барселона» президенти ва бош мураббийи «Una Nueva Era» ҳужжатли фильми премьерасида иштирок этишди.

«Ҳужжатли фильм cериясининг биринчи мавсумида биз жамоани қуриш жараёнини кўрдик, энди эса Хави, бутун мураббийлар штаби ва футболчиларнинг яхши меҳнати туфайли янги даврда илк муваффақиятларни кўряпмиз.

Меҳнатинг учун сенга раҳмат айтишдан чарчамайман. Сенинг билиминг, ноқулай вазиятларга мослаша олиш қобилиятинг ва тажрибанг... Сен мураббийлик қилаётган жамоанинг президенти бўлишдан фахрланаман.

Ходимлар ва жамоа билан ишлаш услубинг... Бизнинг услубимизга мослаша олмайдиган ўйинчиларни бирлаштирганинг... Чемпионатда бизни тарихий ғалабага олиб келган меҳнатинг учун раҳмат», — деди Лапорта.