«Ювентус» допинг-тестдан ўта олмагани учун Поль Погбанинг маошини тўлашни тўхтатди.
30 ёшли яримҳимоячида тестостерон миқдори мусбат натижа кўрсатди, бунинг учун у 4 йилга футболдан четлатилиши мумкин. Франциялик жаҳон чемпиони Италия миллий антидопинг трибунали томонидан вақтинча дисквалификация қилинди.
La Gazzetta dello Sport'нинг хабар беришича, Турин клуби футболчига маош тўлашни тўхтатди, чунки дисквалификация туфайли у жамоа билан машғулот ўтказа олмайди. Низомда агар ўйинчи дисквалификация қилинган бўлса, клубга иш ҳақини тўламасликка рухсат берилган.
La Repubblica'нинг аниқлик киритишича, меҳнат шартномасида футболдан четлатилган ўйинчилар йилига солиқларсиз 42 177 евро, яъни ойига тахминан 2 минг евро миқдорида минимал маош олишлари кераклиги кўрсатилган.
Агар суд Погбани айбдор деб топса, «Ювентус» яримҳимоячи билан шартномани бекор қилиши мумкин. Агар 2026 йилгача мўлжалланган келишув бузилса, туринликлар 30 млн еврога яқин маблағни тежашлари мумкин бўлади.