Саудия Арабистони Про лигаси 6-турига старт берилди.

Мамлакатнинг амалдаги чемпиони «Ал-Иттиҳод» сафарда «Ал-Аҳдуд» меҳмони бўлиб, Карим Бенземанинг ягона голи эвазига муҳим ғалабага эришди – 1:0.

Шу тариқа, Жидда клуби 6-тур стартида 15 очко билан 1-ўринга кўтарилди. «Ал-Ҳилол» 13 очко билан 2-ўринда бормоқда ва ўз ўйинини эртага «Ар-Риёд»га қарши ўтказади.

Маълумот учун, «Ал-Иттиҳод» 4 кундан кейин навбатдаги баҳсини ОКМКга қарши ўтказади. ОЧЛ 1-тури доирасидаги ўйин 18 сентябрь, душанба куни ўтказилади.

Саудия Про лигаси. 1-тур
«Ал-Аҳдуд» - «Ал-Иттиҳод» - 0:1
Гол: Карим Бензема, 72. 
«Ал-Иттиҳод»: Марсело Грохе, Мадаллаҳ Алолаян, Аҳмад Бамсауд, Ҳасан Кадеш, Луис Фелипе (Харун Камара, 67), Ромариньо (Умар Иброҳим, 90), Солиҳ ал Жаман (Султон Фарҳан, 77), Н'Голо Канте, Фабиньо, Аҳмад Шарахили, Карим Бензема.