Юрген Клоппнинг агенти мураббий Германия миллий жамоасини бошқармаслигини айтди.

Эслатиб ўтамиз, Бундестим ғалабасиз 5 ўйиндан сўнг Ҳанс-Дитер Фликни бош мураббийликдан озод этганди. Жамоани Руди Фёллер вақтинчалик бошқармоқда. 

ОАВда Клопп Германия бош мураббийлигига номзодлардан бири сифатида тилга олинди, бироқ унинг агенти Марк Косицке Юрген бу лавозимга қизиқмаётганини айтди.

«Юргеннинг «Ливерпул» билан узоқ муддатли шартномаси бор. У ҳозир миллий жамоа бош мураббийи бўла олмайди», — деди Косицке.

2022 йил апрелида Клопп мерсисайдликлар билан шартномасини 2026 йилнинг ёзига қадар узайтирганди.