Женнаро Гаттузо «Лион»нинг янги бош мураббийига айланади.

Инсайдер Жанлука Ди Марционинг сўзларига кўра, томонлар деярли келишувга эришишди, якуний тафсилотларни муҳокама қилиш қолди.

Томонлар 45 ёшли мутахассиснинг тезроқ Францияга келишини таъминлаш устида ишламоқда. Женнаро Лига 1даги дебютини «Гавр»га қарши баҳсда ўтказиши мумкин. 

Аввалроқ «Лион» Лоран Бланни истеъфога чиқарганди. 4та ўйиндан сўнг бир очко жамғарган клуб Лига 1да турнир жадвалининг сўнгги поғонасида бормоқда.