Ўзбекистон U-23 ва Ҳонгконг U-23 (10:0) баҳсида ҳет-трик қайд этиб учрашувнинг энг яхши ўйинчиси деб топилган Ҳусайн Норчаев ўйин ҳақида ўз фикрлари билан ўртоқлашди. 

«Бугун яхши ўйин кўрсатдик. Насиб қилса кейинги баҳсда бунданда яхши ўйин кўрсатишга ҳаракат қиламиз.

Клубимдагилар мени кутишаётган бўлса керак. Улар ўйиндан сўнг табриклашди. Ҳозир жамоам (Алания) билан шартномам бор. Бошқа ерга кетиш ёки кетмаслик ҳақида ўйлашим тўғри бўлмайди. 

Мени ўйинга тушириш ёки туширмаслик мураббийнинг иши. Лекин у ерда ҳам ўйнашга ҳаракат қиляпман», — дея 21 ёшли ҳужумчининг сўзларини келтиради Tribuna.uz мухбири. 

Маълумот учун Ҳусайн Норчаев Осиё кубоги U-23 саралаш доираисда кетма-кет икки ўйинда ҳет-трик қайд этиб келмоқда. У 1-турда Афғонистон билан ўтган баҳснинг ҳам энг яхши ўйинчиси деб топилган эди.