Илкай Гундўған Япониядан (1:4) учралган мағлубиятдан сўнг Германия миллий жамоасининг даражаси ҳақида гапирди. 

«Буни қабул қилиш жуда қийин. Ягона ёрқин лаҳза — биз керакли тезликда ўйнаб, урган голимиз бўлди. Лекин афсус билан тан олиш керакки, Япония ҳимояда ҳам, ҳужумда ҳам биздан устун эди.

Биз бундай жамоалар билан бир хил даражада эмасмиз. Ҳозирча яхши эмасмиз, бу — ҳақиқат. Эҳтимол, ўзимизни чиндан ҳам кучлироқ, деб ўйлаймиз.

Ишонч йўқ, қачон қарор қабул қилиш кераклигини тушуниш йўқ ва бундай натижалар, албатта, ёрдам бермайди. Биз ҳамма ўзи билан курашаётганини ҳис қиляпмиз ва шу сабаб жамоада тўғри муҳит яратишимиз керак», — дея немислар сардорининг сўзларини келтиради Daily Mail.