«Реал» собиқ футболчиси Рауль Ла Лигада иш бошлаши мумкин.

Marca хабарига кўра, «Вильярреал» клуби истеъфога чиқарилган Кике Сетьен ўрнига «Реал» афсонасини таклиф этиш вариантини кўриб чиқмоқда. 46 ёшли мутахассис ҳозирда Мадрид клубининг фарм-жамоаси «Кастилья»да фаолият олиб бормоқда.

Шунингдек, «Вильярреал» раҳбарияти қизиқаётган номзодлар орасида Хулен Лопетеги ҳам бор.

Маълумот учун, «Вильярреал» Ла Лига 4-туридан кейин 3 очко билан 15-ўринни эгаллаб турибди.