Криштиану Роналду сўнгги 20 йил ичида илк бор «Олтин тўп» учун номзодлар сафидан жой олмади.

France Football нашри «Олтин тўп»-2023га даъвогар 30 футболчи номини эълон қилди ва рўйхатда 38 ёшли ҳужумчи киритилмаган. Роналду 2003 йилдан кейин ҳар мавсум ушбу совринга даъвогарлар қаторидан ўрин олиб келаётганди. У «Олтин тўп»нинг 5 карра соҳиби саналади.

Маълумот учун, Роналду 2023 йилнинг январь ойида «Ан-Наср»га ўтиб, 20 ўйинда 20та гол киритганди.