Ўзбекистон миллий жамоаси аъзоси Жалолиддин Машариповга Россия клуби қизиқиш билдирмоқда.

Журналист Иван Карповнинг инсайдига кўра, Москванинг «Локомотив» клуби ўзбекистонлик 30 ёшли яримҳимоячини ўз сафига қўшиб олмоқчи. Машарипов «Ан-Наср» билан хайрлашгач, ҳозирда эркин агент саналади. Жалолиддин 5 сентябрь куни Ўзбекистон миллий жамоаси сафида АҚШдаги йиғинга жўнаб кетди. 

Маълумот учун, Россия Премьер-лигасида трансфер ойнаси 14 сентябрь куни ёпилади. «Локо» РПЛда 7-турдан кейин 6-ўринда бормоқда.

Аввалроқ, Машариповга Туркиянинг «Трабзонспор» клуби қизиқиш билдираётгани, шунингдек, унга Эроннинг «Персиполис» клубидан қизиқиш борлиги хабар қилинганди.