«Олимпиакос» «Вулверҳэмптон»дан Даниэл Поденсени ижарага олди. Ҳужумкор яримҳимоячи «бўрилар» сафига 2020 йили айнан грек клубидан ўтганди. У ўтган мавсумда АПЛда 32 ўйинда 6та гол урган. 

Шунингдек, Греция жамоаси «Ҳерта» билан шартномаси якунланган, «Манчестер Сити» ва «Монако»нинг собиқ ҳужумчиси Стеван Йоветични эркин агент сифатида ўз сафига қўшиб олди.

«Олимпиакос»нинг яна бир трансфери «Рома»дан норвегиялик форвард Оле Сольбаккен бўлди. Рим клуби 24 ёшли футболчини ўтган қишда «Буде-Глимт»дан сотиб олганди.