«Ювентус» бош мураббийии Массимилиано Аллегри жамоа яримҳимоячиси Поль Погба «Эмполи»га (2:0) қарши ўйинда жароҳат олганини маълум қилди.

Франциялик футболчи 62-дақиқада захирадан майдонга туширилган эди. 

«Ҳозирча аниқ маълумотга эга эмасмиз. У сонининг орқа қисмидан оғриқни ҳис қилди. Тиббий текширувлар натижасини кутамиз. Барчаси жиддий эмас деб умид қиламан. Поль майдонга тушгач, сўнгги ярим соат ичида юқори даражада тўп сурди», - дея Аллегрининг сўзларини келтирган Football Italia.

Маълумот учун, Поль ўтган мавсум жароҳати сабабли бор йўғи 10та ўйинда майдонга тушиб, самарадорлик кўрсатмаганди. 

Аввалроқ, унга Саудия Арабистони клубларидан таклиф борлиги маълум қилинганди.