«Ливерпуль» бош мураббийи Юрген Клопп АПЛ 4-туридан ўрин олган «Астон Вилла»га (3:0) қарши баҳсдан сўнг ўз фикрлари билан ўртоқлашди. 

«Агар эрта гол урмаганимизда нима бўлиши мумкинлигини ҳеч қачон билмаймиз. Лекин умуман олганда, яхши ўйин бўлди. «Астон Вилла» ва Унаи Эмерини жуда ҳурмат қиламан. Уларга қарши кўп жамоалар учун қийин бўлади, лекин бугун биз жуда кучли эдик.  

Жамоанинг сўнгги йиллардаги асосий футболчилари бугун майдонга тушмади — Милнер, Ҳендерсон, Фабиньо (учаласи кетган), ван Дейк (дисквалификация). Футболчиларга янги ролларга кўникишларига имкон бериш керак ва мен ажойиб ўйинни кўрдим. Кўп хоҳиш, биргаликда ҳимояланишга тайёрлик. Тўпга эгалик қилишда жуда зўр эдик. Шошилмадик ва шунинг учун ҳам ғалаба қозондик. 

Трентнинг жароҳати?  Кутайликчи. У сонини ушлаб юрди. Умид қиламанки, бу жиддий нарса эмас, лекин ишончим ҳам комил эмас», —  дея мерсисайдликлар устозининг сўзларини келтиради ВВС.