«Арсенал» бош мураббийи Микель Артета АПЛ 4-туридан ўрин олган «Манчестер Юнайтед»га (3:1) қарши ўйиндан сўнг ўз фикрлари билан ўртоқлашди. 

«Биз ишлаймиз, ҳар куни бажарадиган ишларимиз шундай лаҳзалар учун. Бу — спортнинг энг юқори даражаси, бу ерда ҳамма нарсани кичик деталлар ҳал қилади. 

Албатта, жуда хурсандман. «Манчестер Юнайтед» — яхши тайёргарлик кўрган ажойиб жамоа. Улар рақибларга муаммо туғдиради. АПЛда бундай тўп ўтказиб юборилса, вазият хавфли бўлиб қолади.

Деклан Райс ажойиб ўйнади, лекин бутун жамоа қойилмақом эди. Деклан керак бўлганда бизга туртки берди. Ўйиндаги бу бурилиш ажойиб ва ғалаба қозонишга муваффақ бўлдик.

Ҳақиқатан ҳам устунлик қилдик. «Фулҳэм» (2:2) билан ўйинда ҳам худди шундай эди. Жамоа кўпроғига лойиқ. Ғалабага бўлган иштиёқи, унга эришиш истаги бор жамоани кўрганимда, хурсанд бўламан», — деди лондонликлар устози Sky Sports эфирида.