«Аякс» яримҳимоячиси Дэви Классен фаолиятини Италияда давом эттиради.

«Интер» клуби нидерландиялик футболчи билан шартнома имзоланганини эълон қилди. Миланликлар 30 ёшли хавбек учун товон пули тўламагани қайд этилган.

Классен Амстердам клуби тарбияланувчиси бўлиб, 2017 йил «Эвертон»га ўтган, кейин «Вердер» шарафини ҳимоя қилиб, 2020 йилда «Аякс»га қайтганди. У жамоасида 321та ўйинда 93та гол ва 50та ассистга муаллифлик қилган.