«Тоттенҳэм» ҳимоячиси Серхио Регилон «Манчестер Юнайтед» клубига ўтди.

«МЮ» расмий сайти испаниялик 26 ёшли ҳимоячи бир йиллик ижара асосида клубга ўтганини эълон қилди. 

Аввалроқ, шартномада футболчини январь ойида «Тоттенҳэм»га қайтариш банди киритилгани ҳақида хабар қилганди. Айнан шундай шарт учун «Челси» Марк Кукурельяни «Юнайтед»га қўйиб юбормагани маълум бўлганди.

Эслатиб ўтамиз, «МЮ» чап қанот ҳимоячилари Люк Шоу ва Тайрелл Маласиянинг жароҳати сабабли Регилонни ўз сафига қўшиб олди.