«Манчестер Юнайтед» собиқ аъзоси Жонни Эванс клуб билан бир йиллик шартнома имзолади. 

35 ёшли шимолий ирландиялик марказий ҳимоячи 2024 йилнинг ёзига қадар «МЮ» шарафини ҳимоя қилади. У 8 йил ўтиб, жамоага расман қайтди.

Эванс «МЮ» тарбияланувчиси саналиб, 2006-2015 йиллар давомида клуб шарафини ҳимоя қилган. У ўтган мавсум «Лестер» сардори сифатида тўп суриб, мавсум якунида эркин агентга айланганди.

Аввалроқ, жамоа ҳимоячиси Рафаэль Варан жароҳат олиб, камида бир ойга сафдан чиққани хабар қилинганди.