«Челси» ҳужумчиси Ромелу Лукаку янги мавсумни ҳам Италия А Сериясида ўтказади.

Рим клуби Лукакуни «Челси»дан мавсум охиригача ижарага олганини эълон қилди. Ромелу «Рома» сафида 90-рақам остида ҳаракатланади. Римликлар ҳужумчининг бир йиллик ижараси учун Лондон клубига 6 миллион евро, футболчининг ўзига эса йиллик 7 миллион евро маош тўлайди. 

Рим клуби бош мураббийи Жозе Моуриньо Лукаку билан гаплашгач, бельгиялик ҳужумчи «Рома»га ўтишга рози бўлгани хабар қилинганди. Ромелу бунга қадар «Интер» ва «Ювентус» билан музокара олиб борган, аммо ўтиш якунда амалга ошмаганди.

Маълумот учун, Лукаку ўтган мавсум миланликлар сафида жами 37 ўйинда 14та голга муаллифлик қилган.