«Бавария» ҳимоячиси Бенжамен Павар фаолиятини Италия А Сериясида давом эттиради.

Инсайдер Фабрицио Романо хабарига кўра, франциялик ҳимоячи ва миланликлар ўртасида 2028 йилга қадар шартнома имзоланади. «Интер» Мюнхен клубига 27 ёшли футболчининг трансфери учун 30+2 миллион евро тўлайди.

Аввалроқ, Паварга «МЮ» қизиқиш билдираётгани, Мюнхен клуби ҳимоячи учун 40 миллион евро сўраётгани хабар қилинганди. Аммо манчестерликлар Магуайрни «Вест Ҳэм»га сота олмагач, Бенжамен трансферидан воз кечишди.