«Интер» ҳимоячиси Дензел Думфрис бош мураббий Симоне Индзаги қўл остида ишлаш ҳақида гапирди.

«Мураббий ҳар доим ўйин пайтида жуда стрессда бўлади. У кўп гапиради — баъзида қулоқ солмайман, чунки гаплари жуда кўп! Уни биламан — мени ҳужумга ундайди, бу менга ёқади. Танаффусдан кейин томонларни алмаштирганимизда, жуда хурсанд бўламан (Индзагидан узоқда бўлади). 

Скудетто —  бизнинг асосий мақсадимиз. Ўтган йили Чемпионлар Лигасида ажойиб мавсум ўтказдик, аммо бу йил скудеттони ва иккинчи юлдузни қўлга киритишимиз керак. Шубҳасиз, ҳамма биздан буни кутмоқда, шунинг учун бу жуда муҳим», — деди нидерландиялик футболчи DAZN эфирида.