«Барселона» Қирғизистонда клуб академиясини очди.

29 август, сешанба куни Жалолободда академиянинг очилиш маросими бўлиб ўтди. Тантанали маросимда Қирғизистон президенти Садир Жапаров, «Барселона» президенти Жоан Лапорта, шунингдек, Каталония клубининг собиқ футболчилари, хусусан, Карлес Пуйоль ва Ривалдо иштирок этишди.

Бугун, 30 август куни «Барса»нинг Қирғизистондаги иккинчи академияси учун капсула ётқизилади. Шундан сўнг клуб афсоналари ва осиёлик собиқ юлдузлар ўртасида ўйин бўлиб ўтади.