Карни Чуквуэмека кейинги 6 ҳафта давомида «Челси»да ўйнамайди.

19 ёшли яримҳимоячи АПЛ 2-туридан ўрин олган «Вест Ҳэм»га (1:3) қарши ўйиннинг биринчи бўлимида тиззасидан жароҳат олганди. У бу ўйинда профессионал фаолиятидаги илк тўпини киритди.

Клуб расмий сайтининг хабар беришича, инглиз футболчиси душанба куни кечқурун операция қилинган. Фабрицио Романонинг сўзларига кўра, Чуквуэмека тахминан 6 ҳафтани ўтказиб юборади.