«Челси» бош мураббийи Маурисио Почеттино АПЛ 2-туридан ўрин олган «Вест Ҳэм» (1:3) билан ўйиндан сўнг ўз фикрларини билдирди. 

«Бу футбол. Биздек жамоа тўғри мувозанатни топиш керак. Менимча, бугун нотўғри ҳаракат қилган пайтларимиз бўлди. Кўплаб вазиятлар яратдик ва биринчи бўлимда яхши ўйнадик. Бундай бўлимдан сўнг ғалаба қозонишимиз керак эди. 

Иккинчи бўлимда дастлабки вазиятдаёқ тўп ўтказиб юбордик. Яхши вазиятлар яратиш учун жой топиш қийин, тушунтириш қийин бўлган ўйин эди. Тўп бизда, вазият яратамиз, лекин охирида мағлуб бўламиз.

Пенальтидан фойдалана олмаганимиздан хафа бўлдик. Яхши ўйнадик ва мукофотланмадик. Иккинчи бўлимга шу ҳис билан чиқдик. Чуквуэмеканинг жароҳати ҳам ўйинимизни ўзгартирди. Кейин устунлик қила бошладик, лекин яна тўп ўтказиб юбордик. Бундай вазиятларда кучлироқ бўлишимиз керак, чунки «Вест Ҳэм»нинг ҳимояси ва қарши ҳужумлари хавфлилигини билардик. 

Хафамиз, лекин бу — фақат бошланиши. Жараёнга ишониш керак. Ўйлайманки, биз кучли ва рақобатбардош бўламиз», — деди кўклар» устози.