АПЛ 2-тури доирасидаги Лондон дербиси якунига етди.

«Вест Ҳэм» 7-дақиқада Агерднинг голи эвазига ҳисобни очган бўлса, 28-дақиқада «Челси» яримҳимоячиси Чуквуэмека фарқни тенглаштирди – 1:1.

42-дақиқада Энцо Фернандес пенальтидан гол кирита олмади – Ареоля зарбани қайтарди.

53-дақиқада Антонио жамоасини яна ҳисобда олдинга олиб чиқди – 2:1.

67-дақиқада Агерд майдондан четлатилган бўлса-да, Дэвид Мойес шогирдлари 10 киши бўлиб ҳам «Челси» дарвозасига яна битта гол киритиб, ғалабага эришди. Захирадан майдонга тушиб, дебютини ўтказган Мойсес Кайседо 90+4-дақиқада Эмерсонни йиқитиб, пенальтига сабабчи бўлди. Пакета эса якуний ҳисобни ўрнатди – 3:1.

Почеттино жамоаси 2 ўйинда 1 очко, «Вест Ҳэм» эса 4 очко жамғаришга эришди.

АПЛ. 2-тур
Вест Ҳэм – Челси 3:1
Голлар: 1:0 – 7 Агерд, 1:1 – 28 Чуквуэмека, 2:1 – 53 Антонио, 3:1 – 90+4 Пакета 
Вест Ҳэм – Ареоля, Цоуфал, Зума, Агерд, Эмерсон, Уорд-Проуз (Альварес, 81), Соучек, Лукас Пакета, Бенрахма (Огбонна, 69), Боуэн, Антонио (Форнальс, 76).
Челси – Санчес, Гюсто (Берстоу, 83), Тиаго Силва, Дисаси, Колуилл, Чилуэлл (Кайседо, 61), Галлахер (Мадуэке, 75), Фернандес, Чуквуэмека (Мудрик, 46), Стерлинг, Жексон.
Огоҳлантиришлар: Агерд (13), Лукас Пакета (35), Дисаси (36), Чуквуэмека (40), Эмерсон (45), Жексон (72).
Четлатиш: Агерд (67).