«Реал» ҳужумчиси Родриго «Сантос»да ўйнаган вақтида «Барселона»га ўтишга яқин келганини айтди. 

«Барселона» билан ҳамма нарса амалда ҳал қилинди, фақат шартнома имзолаш қолганди. Мен отамдан сўрадим: «Реал» йўқми?» Турли клублардан таклифлар бўлди, лекин мадридликлардан хабар йўқ эди. Кейин отамдан ҳафта охиригача кутишни сўрадим, чунки «Витория» билан ўйинимиз бор эди. Унинг жаҳли чиқиб: «Ҳазиллашяпсанми? Бизда «Барса»дан ажойиб таклиф бор. Месси билан ўйнашни хоҳламайсанми?» деди. 

«Витория» билан ўйинга бордим, 3та гол урдим, голли узатма бердим, биз 5:2 ҳисобида ғалаба қозондик ва ўйин вақтида «Реал» отамга қўнғироқ қилди. Улар шунчаки таклиф беришди ва отам жавобимни аллақачон биларди. 

Эртаси куни отам эрталаб мени огоҳлантирмасдан кетди. Кун охирида Сантосга етиб келди, уйга кирди, онам ва мен — ҳеч ким билан гаплашмай, стол олдидан ўтиб кетди.

Кейин хонамга борди, қўлида «Реал» ва «Барселона» либослари бор эди. «Танла», деди. Ўйлашга ҳожат йўқ эди — «Реал»ни танладим», — дея бразилиялик футболчининг сўзларини келтиради GE.