Диего Годин Лионель Мессини тарихдаги энг яхши футболчи деб атади.

«Бизнинг «Атлетико» билан Ла Лигадаги чемпионлигимиз (2014 йилдаги) қолганларига қараганда 10 баробар қадрлироқ.

«Атлетико» ва Уругвайдаги ўша йилларим давомида мен фаолиятининг «пик»ида турган Лионель Месси ва  Криштиану Роналдуга қарши ўйнашга мажбур бўлдим.

Мен барча даврларнинг ёки ҳеч бўлмаганда ўша даврнинг энг яхши футболчисига қарши ўйинлар сони бўйича иккинчи ўриндаман. Баъзилар учун энг яхшиси Марадона бўлади, лекин мен учун футбол тарихидаги энг яхшиси бу — Месси», — деди собиқ ҳимоячи.