УЕФА расмий сайти 2022/23 йилги мавсум якунларига кўра энг яхши мураббий номига номзодларни эълон қилди.

Унга кўра, Пеп Гвардиола, Симене Индзаги ва Лучано Спалетти соврин учун даъвогарлар якуний учлигидан жой олган. Гвардиола «Манчестер Сити» билан треблга эришган бўлса, Индзаги «Интер» билан ЕЧЛ финалигача етиб борди. Лучано Спаллетти эса «Наполи» билан А Серияда чемпион бўлди.

УЕФА мавсумнинг энг яхши мураббий номини 31 август куни ўтказиладиган ЕЧЛ гуруҳ босқич қуръа жараёнидан олдин эълон қилади.