Майкл Олисе «Челси» қизиқишларига қарамай «Кристал Пэлас» билан шартномасини узайтирди.

21 ёшли яримҳимоячи янги 4 йиллик шартномага имзо чекди.

Журналист Мигел Дилэйни хабарига кўра, англиялик футболчи янгиланган битимга кўра ҳафтасига 100 минг фунт маош олади.

Аввалроқ «Челси» Олисе учун 35 млн фунт стерлинг товон пулини фаоллаштиргани, яримҳимоячининг ўзи эса бу трансферга рози бўлгани хабар қилинганди. Майклга «Манчестер Сити» ҳам қизиқиш билдирган.

2022/23 йилги Премьер-лигада Олисе 37 ўйинда майдонга тушиб, 2 гол урган ва 11 голга ассистентлик қилган.