Superliga joriy mavsumi 16-tur yakunlariga ko‘ra, tomoshabinlar o‘rtacha tashrifi bo‘yicha «Navbahor» yaqqol peshqadamlik qilmoqda.

Namangan klubining har bir o‘yiniga o‘rtacha 14 329 nafar tomoshabin tashrifi kuzatilgan. 

1-davradan keyin peshqadam bo‘lgan Farg‘ona klubining o‘yinlariga esa o‘rtacha 12 564 tomoshabin to‘g‘ri keladi.

Uchlikni «Buxoro» yopgan – 7 313 tomoshabin.

So‘nggi ikki o‘rinda «Olimpik» va «Surxon» jamoalari joylashgan. 

Eslatib o‘tamiz, Superliga 16-turi doirasidagi «Navbahor» - «Paxtakor» (1:2) o‘yinida tomoshabinlar tashrifi bo‘yicha mavsum rekordi qayd etildi. Mavsumning eng muhim o‘yinlardan birini kuzatish uchun Namangandagi «Markaziy» o‘yingohda 25 260 nafar tomoshabin tashrifi qayd etildi.