«Вест Ҳэм» клуби «Аякс» яримҳимоячиси Муҳаммад Қуддусни ўз сафига қўшиб олмоқчи.

Фабрицио Романога кўра, Лондон клуби Лукас Пакетани «Манчестер Сити»га трансфер қилса, унинг ўрнини «Аякс» футболчиси билан тўлдирмоқчи. «Вест Ҳэм» Қуддус трансфери бўйича Амстердам клуби билан дастлабки музокараларни ўтказган. Ганалик 23 ёшли футболчининг ўзи ҳам фаолиятини АПЛда давом эттиришни истамоқда.

Аввалроқ, «Брайтон» ганалик футболчи билан келишувга эришишга яқинлиги ҳақида хабар тарқалган бўлса-да, трансфер амалга ошмаганди.

Маълумот учун, Transfermarkt порталига кўра, Қуддуснинг трансфер баҳоси 40 миллион еврога тенг. Унинг «Аякс» билан шартномаси 2025 йилнинг ёзигача мўлжалланган.