Леандро Паредес Франциядан Италия чемпионатига қайтди.

Инсайдер Фабрицио Романо хабарига кўра, аргентиналик яримҳимоячи фаолиятини «Рома»да давом эттиради. Рим клуби 29 ёшли Паредеснинг трансфери учун Париж клубига 4 миллион евро тўлайди. Аргентиналик футболчи римликлар билан 2025 йилга қадар шартнома имзолайди.

«ПСЖ» ва «Рома» келишувни ижобий якунлаган, Леандро Италияга жўнаб кетиш арафасида турибди.

Эслатиб ўтамиз, Паредес 2014-15 ва 2016-17 йилги мавсумларда «бўрилар» шарафини ҳимоя қилганди.