Криштиану Роналду Араб чемпионлари кубоги финали доирасидаги «Ал-Ҳилол» - «Ан-Наср» (1:2) учрашувидан кейин Криштиану Роналду ташкилотчилардан норози бўлди.

Криштиану дубль қайд этган ўйинда унинг жамоаси 10 киши бўлиб, «Ал-Ҳилол»га қарши 120 дақиқалик ўйинда камбэк қайд этди. Аммо ўйиндан кейин ташкилотчилар томонидан финалнинг MVP соврини португалияликка эмас, рақиб аъзоси Сергей Милинкович-Савичга топширилгани унинг жаҳлини чиқарди. Роналду турнир расмийларидан бирига дубль қайд этгани, аммо соврин унга топширилмаганидан таажубда эканини билдирган.

Эслатиб ўтамиз, 38 ёшли португалиялик форвард финалдан кейин бош совриндан ташқари, турнирнинг энг яхши тўпурари (6та гол) сифатида «олтин бутса»ни қўлга киритди.