«Брайтон» яримҳимоячиси Мойсес Кайседо фаолиятини «Ливерпул»да давом эттирадиган бўлди. 

Инсайдер Фабрицио Романога кўра, «Ливерпул» 21 ёшли эквадорлик футболчи трансфери бўйича «Брайтон» билан келишувга эришди. Бу ўтиш инглиз футболида рекорд трансферга айланади – 110 миллион фунт (127 млн евро). Кайседо бугун, 11 август куни тиббий кўрикдан ўтиши кутилмоқда. 

Қайд этилишича, Мойсес трансфери бўйича «Брайтон» «Челси» билан ҳам музокара ўтказган ва Лондон клубининг 100 млн фунтлик таклифини эмас, «Ливерпул»нинг 110 млн фунт таклифини қабул қилган. Кайседо тез орада шахсий шартнома масаласида ҳам келишувга эришиши кутилмоқда. 

Маълумот учун, хавбек ўтган мавсум «Брайтон» сафида 43 ўйинда майдонга тушиб, битта гол ва ассистга муаллифлик қилган.

Эслатиб ўтамиз, бунгача «Челси»нинг «Бенфика»дан Энцо Фернандес трансфери учун 121 миллион евро тўлагани инглиз футболи учун рекорд нарх сифатида қайд этилганди.