«Барселона» клуби яримҳимоячиси Франк Кессиэ ҳам Саудия Арабистони чемпионатига кўчиб ўтди.

Каталония клуби Кессиэ 12,5 миллион евро эвазига «Ал-Аҳли» жамоасига трансфер қилинганини эълон қилди. Франк ўтган мавсум «Милан»дан «Барса» сафига эркин агент сифатида қўшилганди.

Саудия чемпионати дебютанти саналмиш Жидда клуби бунгача Эдуар Менди, Роберто Фирмино, Риёд Маҳрез, Аллан Сен-Максимен сингари футболчилар билан шартнома имзолаганди.

Маълумот учун, Кессиэ каталонияликлар сафида 43 ўйинда майдонга тушиб, 3та гол ва 3та ассист қайд этган.