Сон Саудия клублари таклифини рад этганини маълум қилди 

«Тоттенҳэм»нинг жанубий кореялик футболчиси Сон Ҳён Мин Саудия Арабистони клублари таклифини рад этганини маълум қилди.

«Очиғи, у ерга боришни хоҳлаганимда аллақачон ўша ерда бўлардим. Молиявий жиҳат муҳимдир, кўпчилик яхши футболчилар Саудияга йўл олганини биламан, аммо мен кўпроқ футболни севаман, шу боис АПЛда қолишни истадим. Янги мавсумни интиқлик билан кутяпман», - дея Соннинг сўзларини келтиради Daily Star. 

Маълумот учун, Сон ўтган мавсум АПЛда 36 ўйинда 10та голга муаллифлик қилган.