Риконинг футболга қайтиш эҳтимоли паст

«ПСЖ» дарвозабони отдан йиқилиб, бошидан қаттиқ жароҳат олганди. 29 ёшли испаннинг миясига қон қуйилган. У 19 кун сунъий кома ҳолатида бўлиб, бир ойдан кўпроқ реанимацияда ётди.

Серхио касалхонага ётқизилганидан кейин 20 килограммдан ортиқ вазн йўқотган. Реанимация бўлимида у ҳар ҳафта мушак массасининг тахминан 30 фоизини йўқотди. Футболчининг гапиришида ҳам муаммолар бор.

Рико 2 ҳафта ичида касалхонадан чиқиши мумкин. Дастлабки ойларда у уйда тикланади, аммо футболчининг майдонга қайтиши даргумон.