Жезус: «Пеп «ПСЖ»га қарши ўйинда ўрнимга Зинченкони туширди. Ўшанда йиғладим ва онамга қўнғироқ қилдим»

«2021 йил ЕЧЛ гуруҳ босқичидаги «ПСЖ»га (2:1) қарши ўйинда Пеп Зинченкони «алдамчи тўққизлик» позициясига қўйди. Ақлсизлик. Ўйиндан бир кун олдинги машғулотларда ҳам у Зинченкони синаб кўрмаганди, мендан фойдаланаётганди. Ўйинга икки соат қолганда эса... 

Зинченко ҳатто ҳазиллашиб: «Сенга раҳмим келди» деди. Ўйиндан олдин овқатлана олмадим, алоҳида хонага бордим, йиғладим, онамга қўнғироқ қилдим ва дедим: «Мен кетмоқчиман. У мени туширмади, ўрнимга чап қанот ҳимоячисини қўйди».

Ўзимни ёмон ҳис қилдим. 2-бўлим бошланганидан 5 дақиқа ўтиб Мбаппе гол урди — 0:1. Шундан кейин Гвардиола мени туширди. Ассист бердим ва гол урдим, 2:1 ҳисобида ғалаба қозондик. Кейинги ўйинда майдонга тушаман деб ўйлагандим, лекин бундай бўлмади. Жуда қийин эди. Ўшанда «Ман Сити»да қолмасликка қарор қилдим», — деди ҳозир «Арсенал»да ўйнаётган бразилиялик ҳужумчи.