Манба: «Ливерпуль» Мбаппе учун 200 млн евро таклиф қилди

«Ливерпуль» клуби «ПСЖ» ҳужумчиси Килиан Мбаппе учун трансфер курашига қўшилди.

Журналист Эду Агирренинг хабарига кўра, «ПСЖ» сўнгги соатларда «Ливерпул»дан Мбаппе учун 200 миллион евролик таклиф олган. Қайд этилишича, парижликлар раҳбарияти столи устида ҳозирча фақат инглиз клубининг таклифи турибди.

Аввалроқ, «Реал» Мбаппе учун 200 млн евро тўлашга тайёр экани ҳақида хабар қилинганди. 

«ПСЖ» франциялик форвард олдига ультиматум қўйган: шартнома узайтирилади ёки Мбаппе шу ёздаёқ сотиб юборилади.