Самюэль Умтити «Барселона»даги даврини қамоққа солиштирди. 

Ҳимоячи Каталония клубига 2016 йилда келиб қўшилганди. У бу мавсумни ижара асосида «Лечче»да ўтказмоқда. 

«Менга керак бўлган нарса қадрлашларини ва ҳурмат қилишларини ҳис қилишим эди. Каталонияда 4 йилни гўёки қамоқда ўтказдим: нафақат спорт нуқтайи назаридан, балки кундалик ҳаётда ҳам. Аввалига Испанияга кўчиб ўтганимдан сўнг мени қадрлашди ва яхши савияда ўйнадим. Кейин ўзимни ёмон ҳис қилдим ва ҳеч ким менга ишонмаслигини англадим. 

«Лечче» танлови мен учун қийин бўлди. Бу ерда лигада қолиш чемпионликни қўлга киритиш билан баробар эканлигини яхши биламан. Аммо Салентода яна табассум қила бошладим ва бунинг учун клубдан миннатдорман. Ҳозир фақат жамоанинг қуйи лигага тушиб кетмаслиги учун курашиш ҳақида ўйлаяпман. 

Бир қанча вақт олдин дўстим Ляказетт («Лион»да бирга ўйнашган) олдимга келди. Фаолиятимизни якунлашдан олдин бирга ўйнасак яхши бўларди, деб ўйладик», — деди Умтити Canal+ билан суҳбатда.